കോട്ടയം: കുമാരനല്ലൂർ റെയിൽവേ സ്റ്റേഷനടുത്ത് ഓടനിർമാണം നടക്കുന്നതിനാൽ കോട്ടയം വഴി 18നും 20നും ട്രെയിനുകൾക്കു നിയന്ത്രണം.18ന് നിലമ്പൂർ റോഡ് – എറണാകുളം ഇന്റർസിറ്റി എക്സ്പ്രസ് (16325) ഏറ്റുമാനൂർ സ്റ്റേഷനിൽ യാത്ര അവസാനിപ്പിക്കും.
18നു മംഗളൂരുവിൽ നിന്നു യാത്ര പുറപ്പെടുന്ന മംഗളൂരു- തിരുവനന്തപുരം എക്സ്പ്രസ് (16348) 40 മിനിറ്റ് വൈകും. 20നു രാവിലെ കോട്ടയത്തുനിന്ന് യാത്ര പുറപ്പെടേണ്ട കോട്ടയം – നിലമ്പൂർ റോഡ് ഇന്റർസിറ്റി (16326) രാവിലെ 5.27ന് ഏറ്റുമാനൂരിൽ നിന്നാകും യാത്ര പുറപ്പെടുക. കുമാരനല്ലൂർ സ്റ്റേഷനു സമീപത്തെ ഓട വലുതാക്കാനുള്ള ജോലികളാണു നടക്കുന്നത്.
