വായു മലിനീകരണം : ഡൽഹിയിൽ കടുത്ത നിയന്ത്രണങ്ങൾ

ന്യൂഡൽഹി : വായു മലിനീകരണം മൂലം വീർപ്പുമുട്ടുന്ന ഡൽഹിയിൽ കടുത്ത നിയന്ത്രണങ്ങളുമായി സർക്കാർ .ട്രക്കുകൾ പ്രവേശിക്കുന്നതുൾപ്പടെ വിലക്കുമെന്നാണ് അറിയിപ്പ്. സ്കൂളുകളിൽ 10, 12 ക്ലാസുകൾ ഒഴികെ മറ്റെല്ലാവരും ഓൺലൈൻ ക്ലാസുകളിലേക്ക് മാറാൻ നിർദേശം നൽകി .പൊതു നിർമാണ പ്രവർത്തനങ്ങൾ നിരോധിക്കും.അവശ്യസാധനങ്ങൾ എത്തിക്കുന്ന ട്രക്കുകൾക്ക് മാത്രമാകും ഡൽഹിയിലേക്ക് പ്രവേശനം അനുവദിക്കുക. ഞായറാഴ്ച വൈകിട്ട് ഏഴ് മണിയോടെ ഡൽഹിയിലെ എയർ ക്വാളിറ്റി ഇൻഡക്‌സ് ഗുരുതര നിലയായ 457 ആയിരുന്നു. ഇതോടെയാണ് GRAP-IV കീഴിലുള്ള നിയന്ത്രണങ്ങൾ ഏർപ്പെടുത്താൻ തീരുമാനമായത്.