മലപ്പുറത്ത് കെഎസ്ആർടിസി ബസ് താഴ്ചയിലേക്ക് മറിഞ്ഞു; യാത്രക്കാർക്ക് പരിക്ക്

മലപ്പുറം:മലപ്പുറം തലപ്പാറയിൽ കെഎസ്‌ആർടിസി ബസ്‌ താഴ്ചയിലേക്ക്‌ മറിഞ്ഞ്‌ 15 ലേറെ പേർക്ക്‌ പരിക്കേറ്റു.വെള്ളിയാഴ്ച രാത്രി 11 മണിയോടെയാണ് അപകടം നടന്നത്.നാട്ടുകാരും അ​ഗ്നിസുരക്ഷാ സേനയും സ്ഥലത്തെത്തിയാണ് യാത്രക്കാരെ രക്ഷപ്പെടുത്തിയത്.കോഴിക്കോട്‌ നിന്നും എറണാകുളത്തേക്ക്‌ പോകുകയായിരുന്ന ബസാണ്‌ അപകടത്തിൽപ്പെട്ടത്.ദേശീയ പാതയുടെ നിർമാണം നടക്കുന്ന ഭാ​ഗത്തായിരുന്നു അപകടം.പരിക്കേറ്റവരെ തിരൂരങ്ങാടി താലൂക്ക്‌ ആശുപത്രിയിൽ പ്രവേശിപ്പിച്ചു .ആരുടേയും പരിക്കുകൾ ​ഗുരുതരമല്ല.