തിരുവനന്തപുരം: മോഹൻലാലിന്റെ തെലുങ്ക് പടം കണ്ണപ്പ 27ന് തീയേറ്ററുകളിൽ എത്തും. ആന്റണി പെരുമ്പാവൂരിന്റെ ഉടമസ്ഥതയിലുള്ള ആശീർവാദ് സിനിമാസാണ് കണ്ണപ്പ കേരളത്തില് എത്തിക്കുന്നത്. മോഹൻലാൽ കേന്ദ്ര കഥാപാത്രമായി എത്തുന്നു എന്നറിഞ്ഞതോടെ തെലുങ്ക് ചിത്രം മലയാളികളും ഏറ്റെടുത്തു. ഏറെ നാളത്തെ കാത്തിരിപ്പുകൾക്കൊടുവിൽ കണ്ണപ്പ വെള്ളിയാഴ്ച്ച തിയറ്ററുകളിൽ എത്തുന്നത്. സിനിമയുടെ ബുക്കിംഗ് ആരംഭിച്ചതായി മോഹൻലാൽ അറിയിച്ചു.
‘വിശ്വാസം ശക്തിയാകുമ്പോൾ – ഒരു യോദ്ധാവ് ജനിക്കുന്നു’, എന്ന് കുറിപ്പ് നൽകിയാണ് ബുക്കിംഗ് ആരംഭിച്ച വിവരം മോഹൻലാൽ അറിയിച്ചത്. ഒപ്പം പോസ്റ്ററും അദ്ദേഹം ഷെയർ ചെയ്തിട്ടുണ്ട്. വിഷ്ണു മഞ്ചു നായകനായി എത്തുന്ന ചിത്രം കൂടിയാണ്.
