തിരുവനന്തപുരം : സംസ്ഥാനത്ത് വാണിജ്യ പാചകവാതക ക്ഷാമം രൂക്ഷമായതോടെ തിരുവനന്തപുരത്ത് ഹോട്ടലിൽ ഗ്യാസ് സിലിണ്ടർ മോഷണം പോയി .ചാലയിലെ വി.എസ്.ഹോട്ടലില് നിന്നാണ് ഇന്നു പുലര്ച്ചെ ഗ്യാസ് സിലിണ്ടര് മോഷ്ടിച്ചത്.ഒരാൾ ഹോട്ടലിലിന്റെ ഫ്യൂസ് ഊരി മാറ്റിയ ശേഷം ചാക്കുകൊണ്ട് തലമറച്ചു അടുക്കളയിൽ കയറി ഗ്യാസ് കുറ്റി എടുത്ത് കൊണ്ടുപോകുന്ന സിസിടിവി ദൃശ്യങ്ങള് ലഭിച്ചു.
നിറയെ ഗ്യാസുള്ള സിലിണ്ടറാണ് മോഷ്ടിക്കപ്പെട്ടത്.വെളുപ്പിനെ ഹോട്ടല് തുറക്കാന് എത്തിയപ്പോഴാണ് ഹോട്ടലുടമ മോഷണ വിവരം അറിഞ്ഞത് .സംഭവത്തിൽ ഫോർട്ട് പോലീസ് അന്വേഷണം ആരംഭിച്ചു.
