പന്തളം: പാറക്കുളത്തിൽ കുളിക്കാനിറങ്ങിയ വിദ്യാർഥിയെ കാണാതായി. കുരമ്പാല മാവിരപ്പാറ പാറക്കുളത്തിൽ ഇന്ന് 2.30 ന് ആണ് സംഭവം. പന്തളം കടയ്ക്കാട് സ്വദേശി മൃദുൽ കൃഷ്ണനെ (22) ആണ് കാണാതായത്. സുഹൃത്തുക്കളായ കൃഷ്ണനുണ്ണി, യദുകൃഷ്ണ എന്നിവർക്കൊപ്പമാണ് കുളിക്കാനിറങ്ങിയത്.
ഫയർഫോഴ്സ് സ്ഥലത്ത് എത്തി തിരച്ചിൽ തുടരുകയാണ്. പന്തളം പൊലീസും സ്ഥലത്ത് ഉണ്ട്. മാവിരപ്പാറയിൽ സന്ദർശനത്തിന് എത്തുന്നവർക്ക് ആവശ്യമായ സുരക്ഷാ സംവിധാനങ്ങൾ അധികൃതർ ഒരുക്കുന്നില്ലെന്ന് നാട്ടുകാർ ആരോപിച്ചു.
