തിരുവല്ല: ഭക്തിസാന്ദ്രമായ അന്തരീക്ഷത്തിൽ കുഴുവേലിപ്പുറം പറമ്പത്ത് കുടുബ ക്ഷേത്രത്തിൽ കലശാഭിഷേകവും വാർഷിക പൂജയും കാവിൽ നൂറും പാലും നടന്നു. ഞായറാഴ്ച രാവിലെ ഗണപതി ഹോമത്തോടെയാണ് ക്ഷേത്രത്തിൽ പൂജകൾ ആരംഭിച്ചത്.
ക്ഷേത്രം തന്ത്രി ചൊർണ്ണൂർ ഇല്ലെത്ത് ഈശ്വരൻ നമ്പൂതിരി ചടങ്ങുകൾക്ക് മുഖ്യ കാർമ്മികത്വം വഹിച്ചു. മാവേലിക്കര വടക്കത്തില്ലെത്ത് ഗിരീഷ് ഗോവിന്ദ്, എരുമായിക്കോട്ട് ഇല്ലെത്ത് പ്രമോദ് നമ്പൂതിരി എന്നിവർ സഹകാർമ്മികത്വം വഹിച്ചു. ശ്രീകുമാർ പറമ്പത്ത്, ശോഭാ വേണുഗോപാൽ, വൈശാഖ് വി തുടങ്ങിയവർ ചടങ്ങുകൾക്ക് നേതൃത്വം നൽകി.
തുടർന്ന് കുട്ടികളുടെ നേതൃത്വത്തിൽ താലപ്പൊലി എഴുന്നെള്ളിപ്പും ശേഷം പ്രസാദ വിതരണവും നടന്നു. ചടങ്ങുകളുടെ ഭാഗമായി നിരവധി ഭക്തർ ദർശനത്തിന് എത്തിയിരുന്നു.
