മല്ലപ്പള്ളി: മല്ലപ്പള്ളി ഡിപ്പോയിൽ നിന്നും പാലക്കാട്ടേക്കുള്ള കെ എസ് ആർടിസി സൂപ്പർ ഫാസ്റ്റ് ബസിന്റെ സർവീസ് ആരംഭിച്ചു. ബസിന്റെ ഫ്ലാഗ്ഓഫ്‌ കർമ്മം അഡ്വ. വർഗീസ് മാമ്മൻ എംഎൽഎ നിർവഹിച്ചു. പഞ്ചായത്ത്‌ പ്രസിഡന്റ് കെ. ജി. സാബു അധ്യക്ഷത വഹിച്ചു.
ജില്ലാ പഞ്ചായത്ത്‌ അംഗങ്ങളായ ജി. സതീഷ് ബാബു, ഡോ. ബിജു. റ്റി. ജോർജ്, ബ്ലോക്ക്‌ പഞ്ചായത്ത്‌ വൈസ് പ്രസിഡന്റ് എബി മേക്കരിങ്ങാട്ട്, ഡി. സി. സി ജനറൽ സെക്രട്ടറി കോശി. പി. സക്കറിയ, മല്ലപ്പള്ളി കാർഷിക ഗ്രാമ വികസന ബാങ്ക് പ്രസിഡന്റ് സുരേഷ് ബാബു പാലാഴി, കേരള കോൺഗ്രസ്‌ ഉന്നതാധികാരസമിതി അംഗങ്ങളായ തോമസ് മാത്യു, ജോൺസൺ കുര്യൻ, ബ്ലോക്ക്‌ പഞ്ചായത്ത്‌ അംഗങ്ങളായ ലൈല അലക്സാണ്ടർ, കൃഷ്ണൻകുട്ടി മുള്ളൻകുഴി, സി. പി. മാത്യു, ലിബിൻ ജോസഫ് തുടങ്ങിയവർ പ്രസംഗിച്ചു.
രാവിലെ 6 മണിക്ക് മല്ലപ്പള്ളിയിൽ നിന്നും പത്തനംതിട്ടയിലേക്കും 7 ന് പത്തനംതിട്ടയിൽ നിന്നും മല്ലപ്പള്ളി – കോട്ടയം വഴി പാലക്കാട്ടേക്കും പോകും. ഉച്ചക്ക് 2.20 ന് പാലക്കാട്ടു നിന്ന് തിരിച്ച് വൈകീട്ട് 9 ന് മല്ലപ്പള്ളിയിൽ എത്തിച്ചേരും. 2024 മെയിൽ നിർത്തലാക്കിയ സർവ്വിസ് ജനപ്രതിനിധികളും, പൊതുജനങ്ങളും എംഎൽഎ യുടെ ശ്രദ്ധയിൽപെടുത്തുകയും തുടർന്ന് വകുപ്പ് മന്ത്രിയെ അറിയിച്ച് സർവ്വിസ് പുനരാരംഭിക്കുക ആയിരുന്നു.
