ശബരിമല നട നാളെ തുറക്കും

പത്തനംതിട്ട : മിഥുന മാസ പൂജകൾക്കായി ശബരിമല നട നാളെ തുറക്കും. വൈകിട്ട് 5 മണിക്ക് തന്ത്രി കണ്ഠര് മഹേഷ് മോഹനരുടെ സാന്നിധ്യത്തിൽ മേൽശാന്തി പ്രസാദ് ഇ.ഡി. നടതുറന്ന് ശ്രീകോവിലിൽ ദീപം തെളിക്കും. മാളികപ്പുറം ക്ഷേത്രനട മേൽശാന്തി എൻ.ജി മനു നമ്പൂതിരി തുറക്കും. മിഥുനമാസ പൂജകൾ പൂർത്തിയാക്കി 19ന് രാത്രി 10ന് നടയടയ്ക്കും. തീർത്ഥാടകർക്ക് വെർച്ചൽ ക്യൂ വെബ്സൈറ്റ്,സ്പോട്ട് ബുക്കിംഗ് വഴി ദർശനം നടത്താം.