പത്തനംതിട്ട: ടൗണിൽ അബാൻ ജംഗ്ഷനിൽ നിയന്ത്രണം വിട്ട കാർ മറ്റു വാഹനങ്ങളിലേക്കും കാൽ നടയാത്രക്കാർക്കിടയിലേക്കും പാഞ്ഞു കയറി അപകടം. ഒരാൾ മരിച്ചു. 9 പേർക്ക് പരുക്ക്. ഇന്ന് വൈകിട്ട് 7.30 നായിരുന്നു അപകടം നടന്നത്. ഫയർഫോഴ്സ് റിട്ട. ഓഫിസർ അബു ആണ് മരിച്ചത്.
അപകടം വരുത്തിയ കാറിൽ ഉണ്ടായിരുന്നവരെ പൊലീസ് കസ്റ്റഡിയിൽ എടുത്തു. പരുക്കേറ്റവരെ പത്തനംതിട്ടയിലെ വിവിധ ആശുപത്രികളിൽ പ്രവേശിപ്പിച്ചു. അപകടത്തിനിടയായ സാഹചര്യങ്ങളെ കുറിച്ച് അന്വേഷിക്കുമെന്ന് പൊലീസ് അറിയിച്ചു.
