കൊച്ചി : നടിയുടെ പരാതിയിൽമേൽ ബോബി ചെമ്മണ്ണൂരിനെതിരെ എടുത്ത ലൈംഗികാധിക്ഷേപ കേസ് ഹൈക്കോടതി സ്റ്റേ ചെയ്തു.ബോബി ചെമ്മണ്ണൂർ നിരുപാധികം മാപ്പപേക്ഷിച്ച സാഹചര്യത്തിൽ പ്രശ്‌നം ഒത്തുതീർപ്പായതായി നടി കോടതിയിൽ സത്യവാങ്മൂലം നൽകി. ഇത് പരിഗണിച്ചാണ് കേസിലെ വിചാരണക്കോടതി നടപടികൾ ഹൈക്കോടതി സ്റ്റേ ചെയ്തത്.
കഴിഞ്ഞ ദിവസം നടിയോടും കുടുംബത്തോടും മാപ്പ് ചോദിച്ചുകൊണ്ട് ബോബി ചെമ്മണ്ണൂർ സമൂഹമാധ്യമങ്ങളിൽ കുറിപ്പ് പങ്കുവെച്ചിരുന്നു .ബോബിയുടെ മാപ്പപേക്ഷ സ്വീകരിക്കുന്നതായി നടിയും അറിയിച്ചിരുന്നു .
