തിരുവല്ല : ജനപ്രിയ താരം സുരാജ് വെഞ്ഞാറമൂട് നായകനാകുന്ന പുതിയ ചിത്രത്തിന്റെ ചിത്രീകരണം തൊടുപുഴയിൽ ആരംഭിച്ചു. ഷാജി കൈലാസിന്റെ മകനും യുവ സംവിധായകനുമായ ജഗൻ ഷാജി കൈലാസ് ആണ് ചിത്രം സംവിധാനം ചെയ്യുന്നത്. പൂർണ്ണമായും മുഴുനീള ഹാസ്യത്തിന് പ്രാധാന്യം നൽകിക്കൊണ്ടാണ് ഈ ചിത്രം ഒരുക്കുന്നത്.
സീരിയസ് വേഷങ്ങളിൽ നിന്ന് മാറി സുരാജ് വെഞ്ഞാറമൂട് വീണ്ടും തനത് ഹാസ്യശൈലിയിലേക്ക് തിരികെ എത്തുന്നു എന്നത് ചിത്രത്തിന്റെ പ്രധാന ആകർഷണമാണ്. അഭിനയത്തിന് പുറമെ ചിത്രത്തിന്റെ നിർമ്മാണ പങ്കാളിത്തവും സുരാജ് വെഞ്ഞാറമൂട് നിർവ്വഹിക്കുന്നുണ്ട്.
തൊടുപുഴയും പരിസര പ്രദേശങ്ങളുമാണ് ചിത്രത്തിന്റെ പ്രധാന ലൊക്കേഷനുകൾ. ചിത്രത്തെക്കുറിച്ചുള്ള മറ്റ് അഭിനേതാക്കളുടെയും സാങ്കേതിക പ്രവർത്തകരുടെയും വിവരങ്ങൾ ഉടൻ പുറത്തുവിടുമെന്നാണ് പ്രതീക്ഷിക്കുന്നത്. സുരാജിന്റെ തമാശ പ്രകടനങ്ങൾ കാണാൻ കാത്തിരിക്കുന്ന പ്രേക്ഷകർക്ക് ഈ ചിത്രം ഒരു വലിയ വിരുന്നായിരിക്കും.
