തിരുവനന്തപുരം ; സംസ്ഥാനത്ത് ഓൺലൈൻ ടാക്സി ഡ്രൈവർമാർ അനിശ്ചിതകാല സമരത്തിന് ഒരുങ്ങുന്നു .ജൂലൈ 21 മുതൽ സമരം നടത്തുമെന്നാണ് പ്രഖ്യാപനം. ഊബർ, ഓല, റാപ്പിഡോ കമ്പനികൾക്കെതിരെയാണ് പ്രതിഷേധം.കമ്പനികൾ കമ്മീഷൻ ഈടാക്കുന്നത് കുറയ്ക്കണം എന്നാണ് ആവശ്യം.
ഓൺലൈൻ ടാക്സി കമ്പനികൾ മുൻപ് ഈടാക്കിയതിനെക്കാൾ ഇരട്ടിയോളം കമ്മീഷൻ ഈടാക്കുന്നതായി ഡ്രൈവർമാർ ആരോപിക്കുന്നു. ഇന്ധന വില വർദ്ധിച്ച സാഹചര്യത്തിൽ വലിയ നഷ്ടത്തിലാണ് ഓടുന്നത്. ഓടി കിട്ടുന്ന തുക വാഹനത്തിന്റെ മെയിന്റനൻസിന് പോലും തികയുന്നില്ലെന്ന് ഡ്രൈവർമാർ പറയുന്നു.
