ആലപ്പുഴ : പ്രധാനമന്ത്രി നരേന്ദ്ര മോദിയുടെ ജന്മദിനത്തിൽ അദ്ദേഹത്തിന്റെ പേരിൽ ചക്കുളത്തുകാവിൽ സർവൈശ്വര്യപൂജയും പ്രത്യേക പ്രാർഥനയും നടത്തി. പ്രധാനമന്ത്രി നരേന്ദ്ര മോദിയുടെ 76-ാം ജന്മദിനമാണ് ഇന്ന്. നരേന്ദ്ര മോദി അനിഴം നക്ഷത്രം എന്ന പേരിലാണ് ഭക്തർ പൂജകൾ നടത്തിയത്. രാജ്യത്തിന്റെ ഐശ്വര്യത്തിനും സമാധാനത്തിനും ജനങ്ങളുടെ സമഗ്ര ക്ഷേമത്തിനും വേണ്ടിയും പ്രത്യേക പ്രാർഥനകളും പൂജകളും ചടങ്ങിന്റെ ഭാഗമായി.
ചക്കുളത്തുകാവ് ഭഗവതി ക്ഷേത്രത്തിൽ നടന്ന ചടങ്ങുകൾക്ക് മുഖ്യകാര്യദർശി രാധാകൃഷ്ണൻ നമ്പൂതിരി, കാര്യദർശി മണിക്കുട്ടൻ നമ്പൂതിരി, മേൽശാന്തിമാരായ അശോകൻ നമ്പൂതിരി, രഞ്ജിത് ബി. നമ്പൂതിരി, ദുർഗാദത്തൻ എന്നിവർ കാർമികത്വം വഹിച്ചു. ചടങ്ങുകളുടെ ഭാഗമായി ക്ഷേത്രത്തിൽ വഴിപാടുകളും, വിവിധ മേഖലകളിൽ പ്രവർത്തിക്കുന്നവരും പങ്കെടുത്തു.
