റാന്നി : പമ്പാ നദിയിൽ ഒഴുക്കിൽപ്പെട്ട് കാണാതായ യുവാവിൻ്റെ മൃതദേഹം കണ്ടെത്തി. അരയാഞ്ഞിലിമൺ ഭാഗത്ത് ഇന്നലെ വൈകിട്ട് ഒഴുക്കിൽപ്പെട്ട് കാണാതായ എലിവാലിക്കര മണ്ണാലിൽ വീട്ടിൽ സുജിത്തിൻ്റെ (39) മൃതദേഹമാണ് ഇന്ന് രാവിലെ കണ്ടെത്തിയത്.
സുഹൃത്തുക്കൾക്കൊപ്പമാണ് സുജിത്ത് കുളിക്കാൻ എത്തിയത്. നദിയിൽ ഇറങ്ങുന്നതിനിടെ ഒഴുക്കിൽ പെടുകയായിരുന്നുവെന്ന് സുഹൃത്തുക്കൾ പൊലീസിനോട് പറഞ്ഞു. ഫയർഫോഴ്സ് ആൻഡ് റസ്‌ക്യൂ ടീം ആണ് മൃതദേഹം കണ്ടെത്തി കരയ്ക്ക് എത്തിച്ചത്.
