തിരുവല്ല : പ്രശസ്ത കലാകാരൻ റ്റികെ പുരുഷോത്തമന്റെ സ്‌മരണാർത്ഥം ആലപ്പുഴ കൈനകരി ഗുരുസാഗരം ട്രസ്റ്റ്‌ ഏർപ്പെടുത്തിയ ഈ വർഷത്തെ പുരസ്കാരം ശ്രീനാരായണ ഗുരുവിന്റെ മികച്ച ഗാനങ്ങൾ രചിച്ച കവിയും, ഗാന രചയിതാവുമായ മനു കേശവ് പെരിങ്ങരക്ക്.
10001 രൂപയും, ഫലകവും അടങ്ങുന്നതാണ് പുരസ്കാരം. ഒക്ടോബർ 12- ന് കൈനകരിയിൽ വെച്ചു നടക്കുന്ന ചടങ്ങ് ഗുരുധർമ്മ പ്രചാരസഭയുടെ കേന്ദ്ര കമ്മിറ്റി അംഗം ചന്ദ്രൻ പുളിങ്കുന്ന് ഉദ്ഘാടനം നിർവ്വഹിക്കും. ചലച്ചിത്ര താരം (ഗാന്ധി ) ജോർജ്ജ് പോൾ പുരസ്കാരം നൽകി ആദരിക്കും. വിവിധ കലാ- സാംസ്കാരിക പ്രവർത്തകർ പങ്കെടുക്കും.
