തിരുവല്ല: ശ്രീവല്ലഭ മഹാക്ഷേത്രത്തിൽ കർക്കിടക മാസത്തിലെ രാമായണ മാസാചരണത്തിന് തുടക്കമായി. ക്ഷേത്ര ഉപദേശക സമിതിയുടെ നേതൃത്വത്തിൽ ഒരോ ദിവസവും ഭക്തജനങ്ങളുടെ വഴിപാടായിട്ടാണ് രാമായണ പാരായണം നടത്തുന്നത്.
രാജശേഖരൻ വനവാതുക്കര, മോഹൻ കുമാർ കിഴക്കും മുറി എന്നിവരാണ് എല്ലാദിവസവും രാമായണ പാരായണം നടത്തുന്നത്. രാമായണ മാസാചരണത്തിന്റെ സമാപന ദിനമായ ആഗസ്റ്റ് 16ന് പട്ടാഭിഷേകം കഥകളി അരങ്ങേറുമെന്ന് ഉപദേശക സമിതി ഭാരവാഹികൾ അറിയിച്ചു.
