പാലക്കാട് : തണ്ണിമത്തനുമായി തമിഴ്‌നാട്ടിൽ നിന്നും വന്ന പിക്അപ്പ് വാനിൽ നിന്ന് വൻ സ്ഫോടക വസ്തുശേഖരം പിടിച്ചു.പാലക്കാട് മെഡിക്കൽ കോളേജ് ആശുപത്രിക്ക് സമീപത്തുനിന്നാണ് ഇന്നലെ രാത്രി സ്ഫോടക വസ്തുക്കളുമായി എത്തിയ പിക്അപ്പ് വാൻ പിടികൂടിയത്. 90 പെട്ടികളിലായി 200 എണ്ണം വീതം 18,000 ജലാറ്റിൻ സ്റ്റിക്കുകളും 4,800 ഡിറ്റനേറ്ററുകളുമാണ് വാഹനത്തിൽനിന്ന് കണ്ടെടുത്തത്. തണ്ണിമത്തൻ ചാക്കുകൾക്കടിയിൽ പെട്ടികളിലാണ് ഇവ ഉണ്ടായിരുന്നത്
പിക്കപ് വാനിന്റെ ഡ്രൈവർ തമിഴ്‌നാട് സ്വദേശി സെന്തിൾകുമാറിനെ പാലക്കാട് ടൗൺ സൗത്ത് പോലീസ് അറസ്റ്റ് ചെയ്തു.സ്‌ഫോടകവസ്തു കൊണ്ടുപോകുന്നത് എവിടേയ്ക്കാണെന്ന് അറിയില്ലെന്നാണ് ഡ്രൈവറുടെ മൊഴി.കരിങ്കൽ ക്വാറികളിൽ ഇത്തരം സ്‌ഫോടകവസ്തുക്കൾ ഉപയോഗിക്കാറുണ്ട്. അതേസമയം ,സംഭവത്തിന് ഭീകരബന്ധമുണ്ടോയെന്ന കാര്യവും അന്വേഷിക്കുന്നുണ്ട് .സ്‌ഫോടകവസ്തുക്കൾ സുരക്ഷിതസ്ഥലത്തേക്ക് മാറ്റി.
