പത്തനംതിട്ട : പത്തനംതിട്ട ടൗണിലെ അഞ്ചക്കാലാ ജംഗ്ഷന് സമീപം ആഡംബര ബൈക്ക് നിയന്ത്രണം വിട്ട് മറിഞ്ഞ് യുവാവിന് ദാരുണാന്ത്യം. ഒപ്പം സഞ്ചരിച്ചിരുന്ന സുഹൃത്തിന് ഗുരുതര പരുക്ക്.
ഇന്ന് പുലർച്ചെ 2 നായിരുന്നു അപകടം. ഇലന്തൂർ നിരവത്ത് വീട്ടിൽ ബിന്ദുവിൻ്റെ മകൻ മിഥുൻ (21) ആണ് മരിച്ചത്. ഒപ്പം സഞ്ചരിച്ചിരുന്ന പുനലൂർ സ്വദേശി അനന്തുവിനെ ഗുരുതര പരുക്കുകളോടെ പത്തനംതിട്ട ജനറൽ ആശുപത്രിയിൽ പ്രവേശിപ്പിച്ചു. ക്രെയിൻ സർവീസിലെ ജീവനക്കാരാണ് ഇരുവരും. മിഥുൻ്റെ സംസ്കാരം പിന്നീട് .
