പത്തനംതിട്ട: ബൈക്കുകൾ കൂട്ടിയിടിച്ചുണ്ടായ അപകടത്തിൽ ബെക്കിന് പിറകിലിരുന്ന് യാത്ര ചെയ്തയാൾ മരിച്ചു. കൊടുമൺ അങ്ങാടിക്കൽ തെക്ക് ചരുമുരുപ്പിൽ വീട്ടിൽ കെ മോഹനൻ (64) ആണ് മരിച്ചത്.
ബൈക്ക് ഓടിച്ച കുരമ്പാല പാലുവേലിൽ കുഴിയിൽ ശ്യാംകുമാർ (36)ന് പരിക്കേറ്റു. ബുധനാഴ്ച രാത്രി 11.30ന് പന്നിവിഴ കൈമലപാറ ജങ്ഷനിൽ വച്ചാണ് അപകടമുണ്ടായത്. അടൂരിൽ നിന്നും കൊടുമൺ ഐക്കാടേക്ക് പോകുകയായിരുന്നു മോഹനനും ശ്യാം കുമാറും. ഈ സമയത്താണ് എതിരെ വന്ന ബൈക്കുമായി കൂട്ടിയിടിക്കുന്നത്.
ബൈക്കിൽ നിന്നും തെറിച്ചുവീണ മോഹനന് തലയ്ക്ക് ഗുരുതര പരിക്കേറ്റു. തുടർന്ന് അടൂർ ജനറൽ ആശുപത്രിയിൽ എത്തിച്ചെങ്കിലും മരിച്ചു.
