കോഴിക്കോട് : അമീബിക് മസ്തിഷ്കജ്വരം ബാധിച്ച് അതീവ ഗുരുതരാവസ്ഥയിലായിരുന്ന ഒരു കുട്ടി കൂടി രോഗമുക്തി നേടി ആശുപത്രി വിട്ടു. കണ്ണൂർ സ്വദേശിയായ മൂന്നര വയസ്സുകാരനാണു രോഗമുക്തി നേടിയത്. ജൂലായ്‌ 18-നാണ് കുട്ടിയെ പനിയും തലവേദനയും ഛർദിയുമായി പരിയാരം മെഡിക്കൽ കോളേജിൽ പ്രവേശിപ്പിച്ചത്.
അമീബിക് മസ്തിഷ്ക ജ്വരമാണെന്ന് പ്രാഥമികമായി സ്ഥിരീകരിച്ചതിനെ തുടർന്ന് കോഴിക്കോട്ടെ സ്വകാര്യ ആശുപത്രിയില്‍ കുട്ടിയെ പ്രവേശിപ്പിച്ചു. 20 ദിവസത്തോളം കുട്ടി പീഡിയാട്രിക് ഐസിയുവിലും വെന്റിലേറ്ററിലും കഴിഞ്ഞു. സംസ്ഥാനത്ത് നേരത്തേ 2 കുട്ടികള്‍ കൂടി മസ്തിഷ്കജ്വരത്തിൽ നിന്നും രോഗമുക്തി നേടിയിരുന്നു.
