അടൂർ : കേരള സീനിയർ ലീഡേഴ്സ് ഫോറത്തിന്റെയും അടൂർ വിവേകാനന്ദ ഗ്രന്ഥശാലയുടെയും സംയുക്താഭിമുഖ്യത്തിൽ മെയ് 10-ന് ഉച്ചക്ക് ശേഷം 3.30 ന് “ലഹരിക്കൂട്ട്, മരണക്കൂട്ട്” – ലഹരി വിരുദ്ധ സെമിനാർ സംഘടിപ്പിക്കുന്നു.
സംസ്ഥാന ലൈബ്രറി കൌൺസിൽ വൈസ് പ്രസിഡന്റ് ഏ പി ജയൻ സെമിനാർ ഉദ്ഘാടനം ചെയ്യും. പള്ളിക്കൽ പഞ്ചായത്ത് പ്രസിഡന്റ് സുശീല കുഞ്ഞമ്മ കുറുപ്പ് അധ്യക്ഷത വഹിക്കും. എക്സൈസ് സർക്കിൾ ഇൻസ്പെക്ടർ അൻഷാദ് ബി, സീനിയർ ലീഡേഴ്സ് ഫോറം പ്രസിഡന്റ് ബി രാജീവ് എന്നിവർ വിഷയം അവതരിപ്പിക്കും. അടൂർ ലൈഫ് ലൈൻ ആശുപത്രി ചെയർമാൻ ഡോ എസ് പാപ്പച്ചൻ മുഖ്യപ്രഭാഷണം നടത്തും.
