ന്യൂഡൽഹി : മദ്യനയക്കേസിൽ ഡൽഹി മുഖ്യമന്ത്രി അരവിന്ദ് കേ‌ജ്‌രിവാൾ അറസ്റ്റിലായതിൽ വൻ പ്രതിഷേധവുമായി എഎപി. ബിജെപി ഓഫീസിലേക്ക് നടത്തിയ പ്രതിഷേധ മാർച്ചിൽ സംഘർഷമുണ്ടായി. പ്രതിഷേധത്തിന് നേതൃത്വം നൽകിയ മന്ത്രിമാരായ അതിഷിയെയും സൗരഭ് ഭരദ്വാജിനെയും പോലീസ് കസ്റ്റഡിയിൽ എടുത്തു. അറസ്റ്റിൽ പ്രതിഷേധിച്ച് എഎപി രാജ്യവ്യാപക പ്രതിഷേധം നടത്തും.
അതേസമയം, എൻഫോഴ്സ്മെന്റ് ഡയറക്ടറേറ്റിന്റെ ഓഫീസിൽ കേജ്‌രിവാളിനെ ചോദ്യം ചെയ്യുകയാണ് .ചോദ്യംചെയ്യലിന് ശേഷം വിചാരണക്കോടതിയിൽ ഹാജരാക്കും.
