മലപ്പുറം : മലപ്പുറം കരുവാരക്കുണ്ടിൽ കാണാതായ പതിനാലുകാരിയുടെ മൃതദേഹം റെയിൽവേ ട്രാക്കിൽ നിന്ന് കണ്ടെത്തി.കരുവാരകുണ്ട് ഹയർ സെക്കൻഡറി സ്കൂൾ ഒൻപതാം ക്ലാസ് വിദ്യാർഥിനിയാണ് മരിച്ചത്.സംഭവത്തിൽ പ്ലസ് വൺ വിദ്യാർഥിയായ ആൺസുഹൃത്തിനെ പൊലീസ് കസ്റ്റഡിയിലെടുത്തു.
ഇന്ന് രാവിലെ പാണ്ടിക്കാട് റെയിൽവേ ട്രാക്കിനടുത്തായാണ് കൈകൾ കൂട്ടിക്കെട്ടിയ നിലയിൽ മൃതദേഹം കണ്ടെത്തിയത്.സ്കൂൾ യൂണിഫോം ആണ് ധരിച്ചിരുന്നത്. ഇന്നലെ രാവിലെ മുതൽ പെൺകുട്ടിയെ കാണാനില്ലെന്ന് മാതാവ് കരുവാരകുണ്ട് പൊലീസ് സ്റ്റേഷനിൽ പരാതി നൽകിയിരുന്നു.തുടർന്നാണ് ആൺ സുഹൃത്തിനെ കസ്റ്റഡിയിൽ എടുത്തത്. ബലാത്സംഗത്തിന് ശേഷം കഴുത്ത് ഞെരിച്ചു കൊന്നതായി പ്രതി കുറ്റസമ്മതം നടത്തിയെന്നാണ് വിവരം.
