ബംഗളൂരു : കർണാടകയിൽ കെഎസ്ആർടിസി, ബിഎംടിസി ബസ് നിരക്കുകൾ കൂട്ടി. ഇന്ധന വിലവർധനവിന്‍റെ പശ്ചാത്തലത്തിലാണ് നിരക്ക് വർധനയെന്ന് ഗതാഗത മന്ത്രി ബൈരതി സുരേഷ് വ്യക്തമാക്കി. തമിഴ്‌നാടും മഹാരാഷ്ട്രയും ഇതിനകം ബസ് നിരക്കുകൾ വർധിപ്പിച്ചിട്ടുണ്ടെന്നും
ഓര്‍ഡിനറി ബസിന് ശരാശരി ഒമ്പത് രൂപ വരെയാണ് വര്‍ധന. എക്‌സ്പ്രസ് സര്‍വീസിന് പതിനെട്ട് രൂപയോളമാണ് വര്‍ധന. സിറ്റി ബസ് സര്‍വീസുകളുടെ കുറഞ്ഞ നിരക്ക് ആറ് രൂപയില്‍ നിന്ന് 10 രൂപയായി ഉയര്‍ത്തി. ബിഎംടിസി സര്‍വീസുകളില്‍ ആദ്യരണ്ട് കിലോമീറ്ററിന് നാലുരൂപ അധികം നല്‍കണം. നിരക്ക് 35 രൂപയില്‍ നിന്ന് 45 രൂപയായാണ് വര്‍ധിച്ചത്. എസി വജ്ര ബസുകളില്‍ നിരക്ക് 75 രൂപയില്‍ നിന്ന് 90 രൂപയായി. ബംഗളൂരുവിനെ വിമാനത്താവളവുമായി ബന്ധിപ്പിക്കുന്ന ‘വായു വജ്ര’ സര്‍വീസുകളുടെ നിരക്ക് 405 രൂപയില്‍ നിന്ന് 425 രൂപയായി ഉയരും.
