തിരുവല്ല : പെരിങ്ങര ഗ്രാമപഞ്ചായത്തിന്റെയും കൃഷിഭവന്റെയും ആഭിമുഖ്യത്തിൽ കാർഷിക ദിനാചരണവും കർഷരെ ആദരിക്കലും അഡ്വ മാത്യു ടി തോമസ് എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡണ്ട് എബ്രഹാം തോമസ് അധ്യക്ഷത വഹിച്ചു. മുഖ്യപ്രഭാഷണം ജില്ലാ പഞ്ചായത്ത് അംഗം മായ അനിൽകുമാർ, ബ്ലോക്ക് പഞ്ചായത്ത് പ്രസിഡണ്ട് വിജി നൈനാൻ എന്നിവർ നടത്തി.
കൃഷി ഓഫീസർ ഡോക്ടർ അഞ്ചു മറിയം ജോസഫ്, കൃഷി ഡെപ്യൂട്ടി ഡയറക്ടർ മിനി എൻ പിള്ള, കൃഷി അസിസ്റ്റന്റ് ഡയറക്ടർ ജാനറ്റ് ദാനിയേൽ, ബ്ലോക്ക്, ഗ്രാമപഞ്ചായത്ത് അംഗങ്ങൾ,കാർഷിക വികസന സമിതി അംഗങ്ങൾ, കർഷക നേതാക്കൾ, പഞ്ചായത്ത് സെക്രട്ടറി ഷാജി എ തമ്പി, കൃഷി അസിസ്റ്റന്റ് പ്രേംകുമാരി എൽ, ഷിനോജ് എന്നിവർ പ്രസംഗിച്ചു. യോഗത്തിൽ വിവിധ വിഭാഗങ്ങളിലുള്ള കർഷകരെ ആദരിച്ചു.
