പത്തനംതിട്ട : സെന്സസ് പ്രാരംഭഘട്ടമായ ഭവന പട്ടികപ്പെടുത്തല് സംസ്ഥാനത്ത് ഇന്ന് ആരംഭിക്കും.സെന്സസുമായി ബന്ധപ്പെട്ട് സ്വയം വിവരങ്ങള് നല്കാനുള്ള സൗകര്യം ജൂണ് 30 ന് അവസാനിച്ചിരുന്നു. രാജ്യത്തെ 16- മത് ജനസംഖ്യ കണക്കെടുപ്പ് 2026-27 വര്ഷങ്ങളില് രണ്ട് ഘട്ടങ്ങളിലാണ് നടത്തുന്നത്. ഭവന പട്ടികപ്പെടുത്തലാണ് ആദ്യ ഘട്ടം. രണ്ടാം ഘട്ടമായ ജനസംഖ്യ കണക്കെടുപ്പ് അടുത്ത വര്ഷമാദ്യം ആരംഭിക്കും.
സ്വയം വിവരം നല്കിയവര്ക്ക് ‘എച്ച്’ എന്ന് തുടങ്ങുന്ന 11 അക്ക സെല്ഫ്-എന്യൂമറേഷന് ഐഡി ലഭിച്ചിരുന്നു . സെന്സസ് ഉദ്യോഗസ്ഥര് വീട് സന്ദര്ശിക്കുമ്പോള് ഈ ഐഡി കൈമാറണം. ഇതോടെ വിവരങ്ങള് ഡിജിറ്റലായി സ്ഥിരീകരിക്കപ്പെടും. സെല്ഫ്-ഇന്യൂമറേഷന് നടത്താത്തവരുടെ വിവരങ്ങള് ഉദ്യോഗസ്ഥര് വീടുകളിലെത്തി ശേഖരിക്കും.
