തിരുവല്ല: മാർത്തോമ്മാ സഭ അധ്യക്ഷൻ ഡോ തീയഡോഷ്യസ് മാർത്തോമ്മാ മെത്രാപ്പോലീത്തയ്ക്ക് മുഖ്യമന്ത്രി ജന്മദിനാശംസകൾ നേർന്നു. തിരുവല്ലയിലെ സഭ ആസ്ഥാനത്ത് ഇന്ന് രാത്രി 8.15 ന് എത്തിയാണ് മുഖ്യമന്ത്രി ജന്മദിനാശംസകൾ നേർന്നത്.
സഭ ആസ്ഥാനത്ത് എത്തിയ മുഖ്യമന്ത്രിയെ മെത്രാപ്പോലീത്ത സ്വീകരിക്കുകയും പുസ്തകം കൈമാറുകയും ചെയ്തു. 15 മിനിറ്റോളം ചെലവഴിച്ചാണ് മുഖ്യമന്ത്രി മടങ്ങിയത്. മന്ത്രി വീണാ ജോർജ്, മാത്യു ടി.തോമസ് എംഎൽഎ, സി പി എം ജില്ലാ സെക്രട്ടറി രാജു ഏബ്രഹാം തുടങ്ങിയവരും ഒപ്പം ഉണ്ടായിരുന്നു.
