പാലക്കാട് : വടക്കഞ്ചേരിയിൽ ബസുമായി കൂട്ടിയിടിച്ച് സി.എൻ.ജി ഗ്യാസ് ലോറി മറിഞ്ഞു.അപകടത്തിൽ ബസ് ഡ്രൈവർ ഉൾപ്പെടെ ഒമ്പത് പേർക്ക് പരിക്കേറ്റു. ഇന്ന് പുലർച്ചെ ഒരു മണിയോടെയായിരുന്നു അപകടം.ബസ് ഡ്രൈവർക്കും സഹായിക്കും ശരീരത്തിൽ പൊള്ളലേറ്റിട്ടുണ്ട്.
വാഹനങ്ങളിൽ ഉപയോഗിക്കുന്ന ഇന്ധനം നിറച്ച 40 ഓളം സി.എൻ.ജി സിലിണ്ടറുകളാണ് ലോറിയിലുണ്ടായിരുന്നത്.ഇടിയുടെ ആഘാതത്തിൽ പുറത്തേക്ക് വന്ന സി എൻ ജി വാതകം ഉഗ്ര ശബ്ദത്തോടെയാണ് പുറത്തേക്ക് ചീറ്റി. വാതകം പുറത്തേക്ക് വന്ന സമയത്താണ് ഡ്രൈവർക്കും സഹായിക്കും പൊള്ളലേറ്റത്. അഗ്‌നിരക്ഷാസേനയുടെ നേതൃത്വത്തിൽ ഗ്യാസ് നിർവീര്യമാക്കി. യാത്രക്കാരുടെ പരുക്ക് ഗുരുതരമല്ല.
