ചിറ്റാർ : ഡ്രൈ ഡേയിൽ സ്കൂട്ടറിൽ സഞ്ചരിച്ച് ചാരായ വിൽപന നടത്തിവന്ന 2 പേരെ ചിറ്റാർ എക്സൈസ് സംഘം പിടികൂടി. സീതത്തോട് കോട്ടക്കുഴി പുതുപറമ്പിൽ ജയേഷ് കുമാറിനെ (38) 3 ലീറ്റർ വാറ്റ് ചാരായവുമായും സീതക്കുഴി കുന്നേൽ വീട്ടിൽ തോമസിനെ (61) ഒരു ലീറ്റർ ചാരായവുമായാണ് അറസ്റ്റ് ചെയ്തത്.
ഫോണിൽ അറിയിക്കുന്നതിനനുസരിച്ച് ആവശ്യക്കാർക്ക് ചാരായം എത്തിച്ചു നൽകുകയാണ് ഇവർ ചെയ്തു വന്നതെന്ന് എക്സൈസ് അധികൃതർ പറഞ്ഞു. ഇരുവരെയും റാന്നി കോടതിയിൽ ഹാജരാക്കി റിമാൻഡ് ചെയ്തു.
ചിറ്റാർ റേഞ്ച് ഇൻസ്പെക്ടർ പി.ജി. രാജേഷ്, അസി. എക്സൈസ് ഇൻസ്പെക്ടർ ബിജു പി.വിജയൻ, പ്രിവൻ്റിവ് ഓഫിസർ ഡി. അജയകുമാർ, സിവിൽ എക്സൈസ് ഓഫിസർമാരായ അഫ്സൽ നാസർ, ആസിഫ് സലീം, ഷെഹിൻ , ശാലിനി രാജ് എന്നിവരുടെ നേതൃത്വത്തിലാണ് റെയ്ഡ് നടന്നത്
