കൊല്ലത്ത് ദമ്പതികൾ വീടിനുള്ളിൽ മരിച്ച നിലയിൽ

കൊല്ലം : കൊല്ലം കടയ്ക്കലിൽ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി .കടയ്‌ക്കൽ അഞ്ചുമുക്ക് സ്വദേശി സുഗതൻ, ഭാര്യ ലത എന്നിവരാണ് മരിച്ചത്. ഇന്ന് രാവിലെയോടെ കിടപ്പുമുറിയിൽ ഇരുവരെയും മരിച്ച നിലയിൽ കണ്ടെത്തുകയായിരുന്നു. വർഷങ്ങളായി വിദേശത്ത് താമസിക്കുന്ന ഇവർ ഇന്ന് തിരിച്ച് പോകാനിരിക്കെയാണ് മരണം.സുഗതനെ കിടപ്പുമുറിയിലെ ഫാനിൽ തൂങ്ങിനിൽക്കുന്ന നിലയിലും ഭാര്യ ലതയെ കട്ടിലിൽ മരിച്ച നിലയിലുമാണ് കണ്ടെത്തിയത് .കടയ്‌ക്കൽ പോലീസ് സ്ഥലത്തെത്തി തുടർ നടപടികൾ സ്വീകരിച്ചു.