കണ്ണൂർ : പയ്യന്നൂരിൽ ഒരു കുടുംബത്തിലെ നാലുപേരെ വീട്ടുനുള്ളിൽ മരിച്ച നിലയിൽ കണ്ടെത്തി . രാമന്തളി സെന്ററിൽ കൊയിത്തട്ട താഴത്തെവീട്ടിൽ കലാധരൻ (36), മാതാവ് ഉഷ (56), കലാധരന്റ മക്കളായ ഹിമ (6), കണ്ണൻ (2) എന്നിവരാണു മരിച്ചത്.കുട്ടികളെ നിലത്തു മരിച്ചുകിടക്കുന്ന നിലയിലും ഉഷയെയും കലാധരനെയും കിടപ്പുമുറിയിൽ തൂങ്ങിമരിച്ച നിലയിലുമാണ് കണ്ടെത്തിയത്. കുട്ടികളെ അവരുടെ അമ്മയ്‌ക്കൊപ്പം വിടാൻ കോടതി വിധി വന്നതിന് പിന്നാലെയാണ് സംഭവം.
കോടതി വിധിയെത്തുടർന്ന് കുട്ടികളെ ഉടൻ വിട്ടുകിട്ടണമെന്ന് ആവശ്യപ്പെട്ട് ഭാര്യവീട്ടുകാർ പൊലീസിനെ സമീപിക്കുകയും കുട്ടികളെ ഇന്നു വിട്ടുകൊടുക്കണമെന്ന് പോലീസ് രാത്രിയിൽ കലാധരനോട് ആവശ്യപ്പെടുകയും ചെയ്തിരുന്നു. കുട്ടികൾക്ക് വിഷം നൽകി കലാധരനും അമ്മ ഉഷയും തൂങ്ങിമരിച്ചതാണെന്ന് പ്രാഥമിക നിഗമനം.
){kind=link}