മോൻത ചുഴലിക്കാറ്റ് : അന്ധ്രയിൽ ജാഗ്രത

ഹൈദരാബാദ് : തെക്കുകിഴക്കൻ ബം​ഗാൾ ഉൾക്കടലിൽ രൂപം കൊണ്ട മോൻത ചുഴലിക്കാറ്റിനെ തുടർന്ന് അന്ധ്രയിൽ അതീവ ജാഗ്രത. നാളെ ആന്ധ്രയിലെ മച്ചിലിപ്പട്ടണത്തിനും കലിംഗ പട്ടണത്തിനും ഇടയിൽ ചുഴലിക്കാറ്റ് കര തൊടും. ഒക്ടോബർ 27, 28, 29 തീയതികളിൽ സംസ്ഥാനത്ത് ശക്തമായ കാറ്റോട് കൂടിയ കനത്ത മഴ പെയ്യുമെന്നാണ് കാലാവസ്ഥാ വകുപ്പിൻ്റെ പ്രവചനം. 7 ജില്ലകളിൽ റെഡ് അലർട്ട് പ്രഖ്യാപിച്ചു.അടുത്ത മൂന്ന് ദിവസത്തേക്ക് സ്കൂളുകൾക്ക് അവധി പ്രഖ്യാപിച്ചു.ഒഡീഷയിലെ എട്ട് ജില്ലകളിലും അതീവ ജാ​ഗ്രതാനിർദേശം നൽകിയിട്ടുണ്ട്. ചെന്നെയിലും കനത്ത മഴയ്ക്കു സാധ്യത പ്രവചിച്ചിട്ടുണ്ട് .