തിരുവല്ല : ശ്രീവല്ലഭ മഹാക്ഷേത്രം കിഴക്കേനടയിൽ ഭക്തരുടെ നേതൃത്വത്തിൽ ആചാരസംരക്ഷണ നാമജപ യജ്ഞം സംഘടിപ്പിച്ചു. ആചാരലംഘനത്തിനു പിന്നിൽ പ്രവർത്തിച്ചവർക്ക് ശ്രീവല്ലഭൻ സദ്ബുദ്ധി പകരട്ടെയെന്ന പ്രാർഥനയോടെ ഭക്തർ ഒന്നുചേർന്ന് ഘോഷയാത്രയായി പള്ളിവേട്ടയാലിനു പ്രദക്ഷിണം ചെയ്ത് ക്ഷേത്രത്തിന്റെ കിഴക്കേ നടയിൽ സമാപിച്ചു.
ക്ഷേത്രത്തിൽ നൂറ്റാണ്ടുകൾ പഴക്കമുള്ള 8 ഉത്സവബലികൾ വെട്ടിക്കുറച്ചതിനെതിരെയും ക്ഷേത്രത്തിലെ ഉച്ചപൂജ നടത്താത്തതിനെതിരായും ക്ഷേത്രത്തിലെ മറ്റു ചടങ്ങുകളും ആചാരങ്ങളും ബോർഡിന്റെ അനുവാദമില്ലാതെ മാറ്റി മറിച്ചതിനുമെതിരെയുമാണ് ഭക്തർ നാമ ജപയജ്ഞം സംഘടിപ്പിച്ചത്.
കെ ആർ പ്രതാപചന്ദ്ര വർമ്മ നാമജപ യജ്ഞം ഉത്ഘാടനം ചെയ്തു. ആർ.ജയകുമാർ, മിനി പ്രസാദ് , ശർമിള കരുണാകരൻ, പ്രീതി ടീച്ചർ രാജഗോപാൽ കളത്തറയിൽ, വേണുഗോപാൽ പ്ലാപ്പള്ളി, വസന്തരാജൻ, രേഖ ബിജു,സുരേഷ് ഉഷസ്സ് തുടങ്ങിയവർ നാമ ജപയജ്ഞത്തിൽ പങ്കെടുത്തു.
