കോട്ടയം : ഓർത്തഡോക്സ് വൈദിക സെമിനാരിയിലെ മാർ ഗ്രീഗോറിയോസ് ഫൗണ്ടേഷന്റെ ആഭിമുഖ്യത്തിൽ ഡോ പൗലോസ് മാർ ഗ്രീഗോറിയോസ് അനുസ്മരണ സമ്മേളനം സംഘടിപ്പിച്ചു. മലങ്കരസഭയുടെ അങ്കമാലി ഭദ്രാസനാധിപൻ അഭിവന്ദ്യ യൂഹാനോൻ മാർ പോളിക്കാർപ്പോസ് മെത്രാപ്പോലീത്താ ഉദ്ഘാടനം ചെയ്തു.
വൈദിക സെമിനാരി പ്രിൻസിപ്പൽ ഫാ. ഡോ. ജോൺ തോമസ് കരിങ്ങാട്ടിൽ അധ്യക്ഷത വഹിച്ചു. മഹാത്മാ ഗാന്ധി സർവകലാശാല പൗലോസ് മാർ ഗ്രീഗോറിയോസ് ചെയർ അധ്യക്ഷൻ ഫാ. ഡോ. കെ. എം. ജോർജ് മുഖ്യപ്രഭാഷണവും വർഗീസ് ദാനിയേൽ അനുസ്മരണ പ്രഭാഷണം നടത്തി. സെമിനാരി ബർസാർ ഫാ. ഡോ. നൈനാൻ കെ ജോർജ്, പഴയ സെമിനാരി മാനേജർ ഫാ. ജോബിൻ വർഗീസ്, ഫാ.എബ്രഹാം ജോൺ, ഫാ.. ഇയ്യോബ് ഒ ഐ സി, വർഗീസ് ദാനിയേൽ എന്നിവർ പ്രസംഗിച്ചു
പൗലോസ് മാർ ഗ്രീഗോറിയോസ് എ സീർ ഫോർ ഔർ ടൈംസ് എന്ന ഇംഗ്ലീഷ് ഗ്രന്ഥം യൂഹാനോൻ മാർ പോളിക്കാർപ്പോസ് മെത്രാപ്പോലീത്താ ഫാ. ഡോ. കെ. എം. ജോർജിന് നൽകി പ്രകാശനം ചെയ്തു.
