കൊച്ചി : കഞ്ചാവ് കേസിൽ ജാമ്യത്തിൽ ഇറങ്ങി വീണ്ടും കഞ്ചാവ് കച്ചവടം നടത്തിയ പ്രതിയെ എക്സൈസ് റേഞ്ച് ടീം പിടികൂടി. പശ്ചിമബംഗാൾ മുർഷിദബാദ് സ്വദേശി എം ഡി എസ് കെ അലോമിനെയാണ് എക്സൈസ് സംഘം പിടികൂടിയത്.
കോതമംഗലം എക്സൈസ് റേഞ്ച് പാർട്ടി സ്ട്രൈകിങ് ഫോഴ്സ് ഡ്യൂട്ടി യുടെ ഭാഗമായി,എക്സൈസ് ഇൻസ്പെക്ടർ ഫിലിപ്പ് തോമസിന്റെ നേതൃത്വത്തിൽ നടത്തിയ, രാത്രി കാല പട്രോളിങ്ങിനിടയിൽ കഞ്ചാവ് വില്പന നടത്തിവന്നിരുന്ന ആളെ വില്പനക്ക് സൂക്ഷിച്ച കഞ്ചാവുമായി അറസ്റ്റിലായി.
എക്സൈസ് ടീമിനെ കണ്ട് കഞ്ചാവുമായി ഓടിയ പ്രതിയെ എക്സൈസ് ഉദ്യോഗസ്ഥർ പിന്നാലെ ഓടി പിടികൂടിയുകയായിരുന്നു.25 ഗ്രാം കഞ്ചാവ് കൈവശം വച്ച് വിൽപ്പന നടത്തിയതിന് കഴിഞ്ഞ മാസം മെയ് 15ന്ഇയാൾക്കെതിരെ കേസെടുത്തിരുന്നു. ഈ കേസിൽ ജാമ്യത്തിൽ ഇറങ്ങിയ ശേഷം വീണ്ടും കഞ്ചാവ് കച്ചവടംനടത്തി വരവെയാണ് ഇന്നലെ 10 ഗ്രാം കഞ്ചാവുമായി വീണ്ടും പിടിയിലാകുന്നത്.
