ഗാന്ധിജയന്തി ആഘോഷവും സേവനാ ദിനവും ആചരിച്ചു

തിരുവല്ല : മുണ്ടിയപ്പള്ളി കോൺഗ്രസ് രണ്ടാം വാർഡ് കമ്മിറ്റിയുടെ ആഭിമുഖ്യത്തിൽ 155-ാം മത് ഗാന്ധിജയന്തി ആഘോഷവും സേവനാ ദിനവും ആചരിച്ചു. മുണ്ടിയപ്പള്ളി തൊട്ടിപ്പാറ ജംഗ്ഷനിൽ രണ്ടാം വാർഡ് പ്രസിഡന്റ് കുര്യൻ ചെറിയാന്റെ അധ്യക്ഷതയിൽ തിരുവല്ല സർക്കിൾ ഇൻസ്പെക്ടർ വിനോദ് കൃഷ്ണൻ മുഖ്യ അതിഥിയായി പങ്കെടുത്ത്‌ ഗാന്ധിജയന്തി സന്ദേശം നൽകി. ബാങ്ക് ജംഗ്ഷൻ, തൊട്ടിപ്പാറ ജംഗ്ഷൻ,മുണ്ടക്ക മണ്ണ്, പാട്ടമ്പലം, വാക്കിയാൽ പടി,വാക്കുകൾക്കടവ് തീരദേശം എന്നിവടങ്ങളിൽ മുണ്ടിയപ്പള്ളി നിവാസികളുടെ നേതൃത്വത്തിൽ സേവന ദിനം നടത്തി. പ്രധാനപ്പെട്ട റോഡുകളിലെ കുഴികൾ നികത്തുകയും റോഡ്സൈഡുകളിലെ കാടുകളും മാലിന്യങ്ങളും നീക്കം ചെയ്യുകയും ചെയ്തു.