തൃക്കുന്നപ്പുഴയിൽ ഉത്സവത്തിനിടെ ഗുണ്ടാ സംഘങ്ങൾ ഏറ്റുമുട്ടി : പത്തോളം പേർക്ക് പരുക്കേറ്റു

ആലപ്പുഴ : തൃക്കുന്നപ്പുഴയിൽ ഉത്സവത്തിനിടെ ഗുണ്ടാ സംഘങ്ങൾ ഏറ്റുമുട്ടി. തോക്ക് ചൂണ്ടി ഭീഷണിയും കൂട്ടമർദ്ദനവുമുണ്ടായി.പത്തോളം പേർക്ക് പരുക്കേറ്റു. വലിയ കുളങ്ങര ക്ഷേത്ര ഉത്സവത്തിനിടെ പുലർച്ചെയാണ് അക്രമം നടന്നത്. തൃക്കുന്നപ്പുഴ സ്വദേശി വിഷ്ണു തോക്ക് ചൂണ്ടി രണ്ടാമത്തെ സംഘത്തെ ഭീഷണിപ്പെടുത്തി. ഇതോടെ രണ്ടാമത്തെ സംഘം വിഷ്ണുവിനെ ആക്രമിക്കുകയും തുടർന്ന് ഇരു കൂട്ടരും തമ്മിൽ ഏറ്റുമുട്ടുകയുമായിരുന്നു .സംഘത്തിന്റെ കൈവശമുണ്ടായിരുന്ന റിവോൾവർ പൊലിസ് പിടിച്ചെടുത്തു.