തൃശൂർ : ഗുരുവായൂർ ക്ഷേത്രം റെസ്റ്റ് ഹൗസുകളുടെ വ്യാജ വെബ്സൈറ്റ് നിർമിച്ച് തട്ടിപ്പു നടത്തിയ ഹരിയാന സ്വദേശി അറസ്റ്റിൽ. ഹരിയാനയിലെ മേവാത്ത് സ്വദേശി മുഹമ്മദ് ഷാദാണ് ഉത്തർപ്രദേശിൽ നിന്ന് പിടിയിലായത് .ഇയാൾ പാഞ്ചജന്യം, കൗസ്തുഭം എന്നീ റെസ്റ്റ് ഹൗസുകളുടെ പേരിൽ വ്യാജ വെബ്സൈറ്റ് നിർമിച്ച് ക്ഷേത്ര ദർശനത്തിനൊരുങ്ങുന്ന ഭക്തരിൽനിന്ന് ഓൺലൈൻ വഴി പണം തട്ടിയെടുക്കുകയായിരുന്നു.
സമാനരീതിയിൽ ഇയാൾ രാജ്യത്തെ വിവിധ ക്ഷേത്രങ്ങളുടെ സമീപത്തെ റെസ്റ്റ് ഹൗസുകളുടെ പേരിൽ നിരവധി വ്യാജ വെബ്സൈറ്റുകൾ നിർമിച്ച് തട്ടിപ്പ് നടത്തിയതായി കണ്ടെത്തി .വ്യാജ വെബ്സൈറ്റ് നിർമാണത്തിന് ഉപയോഗിച്ച ലാപ്ടോപ്പും മൊബൈൽ ഫോണും മറ്റ് ഡിജിറ്റൽ തെളിവുകളും പ്രതിയുടെ കയ്യിൽ നിന്നും പോലീസ് പിടിച്ചെടുത്തു.
