കായംകുളം : കായംകുളത്ത് അഭിഭാഷകൻ അച്ഛനെ വെട്ടിക്കൊന്നു .അമ്മക്ക് ഗുരുതര പരുക്ക്.കണ്ടല്ലൂർ പീടികച്ചിറയിൽ നടരാജനാണ് മരിച്ചത്.ഭാര്യ സിന്ധുവിന് ഗുരുതരമായി പരുക്കേറ്റു. മാവേലിക്കര കോടതിയിലെ അഭിഭാഷകനായ മകൻ നവജിത്തിനെ പോലീസ് കസ്റ്റഡിയിലെടുത്തു .
ഇന്നലെ രാത്രി എട്ടരയോടെയാണ് സംഭവം .കുടുംബ വഴക്കിനെ തുടർന്നായിരുന്നു അക്രമം. മാതാപിതാക്കളുമായുണ്ടായ തർക്കത്തെത്തുടർന്ന് നവജിത്ത് ഇരുവരെയും വെട്ടുകത്തികൊണ്ടു വെട്ടുകയായിരുന്നു .ബഹളം കേട്ടെത്തിയ നാട്ടുകാർ പോലീസിൽ വിവരമറിയിച്ചു .പ്രതിയെ പൊലീസ് ബലം പ്രയോഗിച്ചാണ് കീഴ്‌പ്പെടുത്തിയത്.
