കോഴഞ്ചേരി : ചെറിയ ചാറ്റൽ മഴ പെയ്താൽ പോലും പൊതു മരാമത്ത് റോഡിൽ വെള്ളക്കെട്ട് രൂക്ഷമാകുന്നു. കോഴഞ്ചേരി ടിബി ജംഗ്ഷൻ മുതൽ ജില്ലാ ആശുപത്രിക്ക് മുൻപിലൂടെയുള്ള റോഡിലാണ് വെള്ളക്കെട്ട് നാട്ടുകാർക്ക് ദുരിതമാകുന്നത്.
റോഡിന് ഇരുവശവുമുള്ള ഓടകൾ നികത്തി മതിലുകൾ നിർമ്മിച്ചതാണ് വെള്ളമൊഴുക്കിന് തടസമാകുന്നത്. ഇതിന് സമാനമായ രീതിയിൽ ആണ് കോഴഞ്ചേരി – റാന്നി റോഡിലും തിരുവല്ല – കുമ്പഴ സംസ്ഥാന പാതയിലും എം.കെ റോഡിലും വെള്ളക്കെട്ട് രൂപപ്പെട്ടിരിക്കുന്നത്. ഇരുചക്ര വാഹന യാത്രക്കാരും കാൽ നട യാത്രക്കാരും ആണ് ഇതു കാരണം വലയുന്നത്.
വെള്ളക്കെട്ട് ഒഴിവാക്കുന്നതിനുള്ള ശാസ്ത്രീയ നടപടികളൊന്നും പൊതു മരാമത്തിൻ്റെ ഭാഗത്ത് നിന്ന് ഉണ്ടാകുന്നില്ലെന്ന ആക്ഷേപം ശക്തമാണ്
