കൊച്ചി : കൊച്ചി ഇടപ്പള്ളിയിൽ നിന്നും കാണാതായ എട്ടാം ക്ലാസ് വിദ്യാർഥിയെ തൊടുപുഴയിൽ കണ്ടെത്തി. തൊടുപുഴ ബസ്റ്റാൻഡിൽ നിന്നാണ് കുട്ടിയെ കണ്ടെത്തിയത്. ഒപ്പമുണ്ടായിരുന്ന കൈനോട്ടക്കാരൻ ശശികുമാറിനെ പോലീസ് കസ്റ്റഡിയിലെടുത്തു .രാവിലെ ഇയാളാണ് കുട്ടി ഒപ്പമുണ്ടെന്ന് പിതാവിനെ ഫോണിൽ വിളിച്ച് അറിയിച്ചത്.
ഇന്നലെ സേ പരീക്ഷ എഴുതാൻ പിതാവ് സ്കൂളിലാക്കി മടങ്ങിയതിന് ശേഷമാണ് കുട്ടിയെ കാണാതായത്. കുട്ടി പത്തുമണിക്ക് തന്നെ സ്കൂളിൽ നിന്നും പോയതായി വ്യക്തമായതിനെത്തുടർന്ന് കുടുംബം എളമക്കര പൊലീസിൽ പരാതി നൽകുകയായിരുന്നു.
