ആലപ്പുഴ: മുണ്ടിനീര് വ്യാപനത്തെ തുടർന്ന് ചിങ്ങനല്ലൂർ എൽ പി സ്കൂളിന് ആഗസ്റ്റ് 13 വരെ അവധി അനുവദിച്ച് ജില്ലാ കളകട്ർ ഉത്തരവായി. ജൂൺ മാസം മുതൽ 15 കുട്ടികൾക്കും ഒരു അധ്യാപികയ്ക്കുമുൾപ്പടെ മുണ്ടിവീക്കം രോഗബാധ സ്ഥിരീകരിച്ചതിനെതുടർന്ന് രണ്ടു തവണ സ്കൂൾ അടച്ചിടുകയും, നിലവിൽ പുതുതായി മൂന്ന് കേസുകൾ കൂടി സ്ഥിരീകരിച്ച സാഹചര്യത്തിലുമാണ് അവധി അനുവദിച്ച്.
ഈ ദിവസങ്ങളിൽ ക്ലാസുകൾ ഓൺലൈനായി നടത്തുന്നതിനാവശ്യമായ ക്രമീകരണങ്ങൾ ഏർപ്പെടുത്തേണ്ടതാണ്. വിദ്യാലയങ്ങളിൽ മുണ്ടിനീര് പടർന്നുപിടിക്കാതിരിക്കാനുള്ള മുൻകരുതൽ നടപടികൾ ആരോഗ്യ, തദ്ദേശ സ്വയംഭരണ വകുപ്പുകൾ സംയുക്തമായി സ്വീകരിക്കണമെന്നും ഉത്തരവിൽ പറയുന്നു.
