വയനാട്: മുട്ടില്‍ മരം മുറി കേസില്‍ പിടിച്ചെടുത്ത മരങ്ങളുടെ പൂര്‍ണമായ കണക്ക് സമര്‍പ്പിക്കണമെന്ന് ബത്തേരി കോടതി. മരക്കമ്പുകള്‍ ഉള്‍പ്പെടെയുള്ളവയുടെ കണക്കുകൂടി സമര്‍പ്പിക്കാനാണ് പൊലീസ് അന്വേഷണ സംഘത്തിന് നിര്‍ദ്ദേശം നല്‍കിയത്. കഴിഞ്ഞ ദിവസം 112 മരങ്ങളുടെതായി 800 തടികളുടെ കണക്ക് പൊലീസ് കോടതിയില്‍ സമര്‍പ്പിച്ചിരുന്നു.
നിലവില്‍ മേപ്പാടി റെയിഞ്ച് ഓഫീസിലാണ് പിടിച്ചെടുത്ത മരങ്ങളുടെ കമ്പുകള്‍ ഉള്‍പ്പെടെ സൂക്ഷിച്ചിരിക്കുന്നത്. തടികള്‍ ലേലം ചെയ്യാനുള്ള നടപടികള്‍ക്കായാണ് പൂര്‍ണമായ കണക്ക് കോടതി ആവശ്യപ്പെട്ടത്. മരത്തിന്റെ ഉടമസ്ഥത അവകാശപ്പെട്ട് കേസിലെ പ്രതികളായ അഗസ്റ്റിന്‍ സഹോദരന്മാര്‍ അപ്പീല്‍ നല്‍കിയിരുന്നെങ്കിലും കോടതി തള്ളിയിരുന്നു.
