തിരുവനന്തപുരം : എട്ടുവയസ്സുകാരിയെ ലൈംഗികമായി ഉപദ്രവിക്കാൻ ശ്രമിച്ച അയൽവാസിയെ അമ്മയും സഹോദരനും വീട്ടില്‍ കയറി കുത്തി.വ്യാഴാഴ്ച രാത്രിയാണ് സംഭവം. പരിക്കേറ്റ 75കാരന്‍ തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്.
അയൽവാസി തന്നെ ഉപദ്രവിക്കാൻ ശ്രമിച്ച കാര്യം കുട്ടി അമ്മയോടു പറയുകയായിരുന്നു. തുടര്‍ന്ന് അമ്മയും സഹോദരനും 75കാരന്റെ വീട്ടിലെത്തി ഇയാളെ കുത്തിപ്പരിക്കേല്‍പ്പിക്കുകയായിരുന്നു .സംഭവത്തില്‍ ശ്രീകാര്യം പോലീസ് അന്വേഷണം ആരംഭിച്ചു.
