തിരുവല്ല: കാവുംഭാഗം കൃഷിഭവന് മുന്നിൽ കർഷകമോർച്ചയുടെ പ്രതിഷേധ ധർണ നടന്നു. കർഷകമോർച്ച സംസ്ഥാന വൈസ് പ്രസിഡൻറ് സുരേഷ് ഓടക്കൽ ഉദ്ഘാടനം നിർവഹിച്ചു. കാവുംഭാഗത്തെ കൃഷിഭവനിൽ കൃഷി ഓഫീസറെ സ്ഥിരമായി നിയമിക്കാത്തത് കർഷകരോടുള്ള വഞ്ചനയാണ് എന്ന് അദ്ദേഹം ആരോപിച്ചു. കോപ്പറേറ്റീവ് സെൽ സംസ്ഥാന കോഡിനേറ്റർ ശ്യാം മണിപ്പുഴ മുഖ്യപ്രഭാഷണം നടത്തി.
കർഷകമോർച്ച മണ്ഡലം പ്രസിഡൻറ് അലക്സാണ്ടർ ഫിലിപ്പ് അധ്യക്ഷത വഹിച്ചു. യോഗത്തിൽ ബിജെപി മണ്ഡലം പ്രസിഡൻറ് രാജേഷ് കൃഷ്ണ, കർഷകമോർച്ച ജില്ലാ വൈസ് പ്രസിഡൻറ് വേണുഗോപാൽ, വിജയകുമാർ, ജയൻ ജനാർദ്ദനൻ, മനോജ് വെട്ടിക്കൽ, അഡ്വ. നിത്യാനന്ദകുമാർ, സുജാത ആർ, ജയകുമാർ, അനിൽകുമാർ മുത്തൂർ, രാധാകൃഷ്ണൻ വേണാട്, എൻ എസ് സാം, സുഭാഷ് ചന്ദ്ര ബോസ്, ഗോപിദാസ് പി കെ, അഡ്വ.കാവ്യ സതീഷ്, സജീവ് കോട്ടത്തോട്, സുഭാഷ് കടപ്ര എന്നിവർ നേതൃത്വം നൽകി.
