തിരുവല്ല : തിരുവല്ല വെൽഫെയർ സൊസൈറ്റിയുടെ ഓണാഘോഷപരിപാടികൾ സെപ്റ്റംബർ 10 ന് രാവിലെ 11.30 ന് തിരുവല്ല ബിലീവേഴ്സ് യൂത്ത് സെൻ്ററിൽ വെച്ച് നടക്കും. കേരള നിയമസഭാ ചീഫ് വിപ്പ് ഡോ. എൻ. ജയരാജ് സാംസ്കാരിക സമ്മേളനം ഉദ്ഘാടനം ചെയ്യും. തിരുവല്ല ഡിവൈഎസ്പി എസ്.അഷാദിന് ഈ വർഷത്തെ വെൽഫെയർ പുരസ്കാരം നൽകും.
ബിലീവേഴ്സ് ചർച്ച് മെഡിക്കൽ കോളേജുമായി സഹകരിച്ച് നടപ്പിലാക്കുന്ന ചികിത്സാ സഹായ പദ്ധതിയുടെ ഉദ്ഘാടനം ബിലീവേഴ്സ് ചർച്ച് മെഡിക്കൽ കോളേജ് ഡയറക്ടറും CEO യുമായ ഡോ. ജോർജ് ചാണ്ടി മററീത്ര നിർവഹിക്കും. സാമൂഹ്യ, രാഷ്ട്രീയ, മത നേതാക്കൾ പങ്കെടുക്കും. വിദ്യാഭ്യാസ രംഗത്ത് ഉന്നത വിജയം നേടിയവരെ ആദരിക്കും. തുടർന്ന് ജനകീയ ഓണസദ്യയും നടക്കും.
