തിരുവല്ല: പ്രധാനമന്ത്രി നരേന്ദ്രമോദിയുടെ തിരുവല്ലയിലെ സന്ദർശനവുമായി ബന്ധപ്പെട്ട് സുരക്ഷാ മുൻകരുതൽ നടപടികൾ പൂർണ്ണ സജ്ജമെന്ന് ജില്ലാ പോലീസ് മേധാവി ആർ ആനന്ദ് അറിയിച്ചു. സുരക്ഷാ ചുമതലകൾക്കായി 2000 പോലീസ് ഉദ്യോഗസ്ഥരെ നിയോഗിച്ചിട്ടുണ്ട്.
ഇവർക്കായി തിരുവനന്തപുരം റെയിഞ്ച് ഇൻസ്പെക്ടർ ജനറൽ സ്പർജൻ കുമാർ ഐപിഎസിന്റെയും പത്തനംതിട്ട ജില്ലാ പോലീസ് മേധാവി ആർ ആനന്ദ് ന്റെയും നേതൃത്വത്തിൽ തിരുവല്ല വിജയ കൺവെൻഷൻ സെന്ററിൽ വച്ച് സുരക്ഷാ ക്രമീകരണങ്ങൾ വിലയിരുത്തുകയും പോലീസ് ഉദ്യോഗസ്ഥർക്ക് ഡ്യൂട്ടി സംബന്ധിച്ച നിർദ്ദേശങ്ങൾ നൽകുകയും ചെയ്തു.
