അടൂർ : പറക്കോട് കൊടുമൺ റോഡിന് 2.5 കോടി രൂപ അടങ്കൽ തുക അനുവദിച്ചതായി ഡെപ്യൂട്ടി സ്പീക്കർ ചിറ്റയം ഗോപകുമാർ അറിയിച്ചു. പറക്കോട് മുതൽ ചിരണിക്കൽ വരെയുള്ള ഭാഗം ബി എം ബി സി നിലവാരത്തിൽ ടാർ ചെയ്യുന്നതിനാണ് തുക അനുവദിച്ചത്. റോഡിൻ്റെ 2.17 കിലോമീറ്റർ വരുന്ന ദൂരപരിധിയിലാണ് പ്രവൃത്തി നടപ്പാക്കുക. ചിരണിക്കൽ മുതൽ കൊടുമൺ വരെയുള്ള ഭാഗത്തെ റോഡ് നേരത്തെ ടാറിന്റെ ചെയ്തിട്ടുണ്ട്.
2024- 25 സാമ്പത്തിക വർഷത്തെ ശബരിമല പദ്ധതിയിൽ ഉൾപ്പെടുത്തിയാണ് തുക വകയിരുത്തിയിട്ടുള്ളത്. റോഡിൻറെ പുനരുദ്ധാരണ പ്രവർത്തനം സമയബന്ധിതമായി പൂർത്തിയാകുമെന്നും ഡെപ്യൂട്ടി സ്പീക്കർ പറഞ്ഞു.
