നാടൻപാട്ട് സംഘത്തിന്റെ വാഹനം അപകടത്തിൽ പെട്ട് ഗായികയ്ക്ക് ദാരുണാന്ത്യം

കൊല്ലം : നാടൻപാട്ട് സംഘത്തിന്റെ വാൻ നിയന്ത്രണം വിട്ട് മരത്തിലിടിച്ച്‌ ഗായികയ്ക്ക് ദാരുണാന്ത്യം.രാവിലെ കൊട്ടാരക്കര-ഭരണിക്കാവ് പ്രധാന പാതയില്‍ സിനിമാപറമ്പിലാണ് അപകടം. കടയ്ക്കല്‍ ചിതറ മാടന്‍കാവ് ലക്ഷ്മി ഭവനത്തില്‍ ബാലുവിന്റെയും ഷീബയുടെയും മകള്‍ ലക്ഷ്മി (20) ആണ് മരിച്ചത്. ഒപ്പമുണ്ടായിരുന്നവര്‍ക്ക് സാരമായി പരുക്കേറ്റു.മൈനാഗപ്പള്ളിയിലെ അഞ്ചംഗ നാടൻപാട്ട് സംഘം ചടയമംഗലത്തെ പരിപാടി കഴിഞ്ഞ് മടങ്ങുകയായിരുന്നു .